Монгол хүн төрсөн бууцаа эргэдэг

Мөрөөдөл болсон хөгшин Европын 1 улсаас хамаатны эгч маань нөхөр, 2 хүүхдийн хамт саяхан ирлээ. Монголоос явахдаа танилцаж, тэндээ очоод гэрлэсэн, тэр улсынхаа харъяалалтай болсон, боломжийн ажил хийдэг жирийн л монгол гэр бүл. Гэхдээ ах эгч 2-ын гол зорилго нь Европт төрж өссөн 2 хүүхдэдээ уугуул эх орныг нь үзүүлэхээр ирсэн хэрэг л дээ. Хэдий хамт байж үзээгүй ч гэсэн балчирхан 2 хөөрхөн хүүхэд нь элэг нэгтэй юм гэсэндээ аминдаа л бидэнтэй ойр байх гэж хэрэндээ л хичээл байлаа. Харамсалтай нь Монголоор ойлгодог боловч ярьж чадахгүй. Тэд ирээд Улаанбаатар хотод баригдаж байгаа өндөр байшингуудыг сонирхож харсангүй хөдөө явья гээд хөдөө явлаа. Тэр хүүхдүүдийн  хувьд халхлах барилгагүй хөх тэнгэр, ногоорон харагдах уул тал, адуундаа яваа дээлтэй өвгөн, хотоо манаж боргох хар банхар, холоос цайран харагдах хонин сүрэг гээд л тэдний хувьд бүх юм шинэ ертөнц байсан нь дамжиггүй. Гайхан биширэх, бахархах сонирхон үзэх тэдний нээсэн тэр л шинэ газар, ертөнцийг сүйтгэчихгүй юмсандаа хүмүүсээ.

Магадгүй дахиад 20 жилийн дараа ирэхэд нь багадаа нээсэн тэр гайхамшигт шинэ ертөнц байхгүй болсон байвал дүү нарынхаа өөдөөс юу гэж хэлнэ дээ.

17:31 - 2009-07-24 - Сэтгэгдэл бичих